మధుర భావనలు

కళ్ళలో నీళ్లు ఇంకిపోలేదు కానీ
బాధే బతుక్కి వెగటైపోయింది!
నవ్వాలనుంది కొన్నాళ్ళు...
నవ్వు కూడా నన్ను చూసి విస్తుపోయేలా...
గుండె రాటుదేలిపోయిందనుకుని
నవ్వుకుంటున్నానిప్పుడు...
అయినా...
ఓటమి ఓదార్చినంతగా
గెలుపు వెన్నుతట్టలేదు నన్ను!
ఇప్పటికైనా తెలిసింది ఒకటే నిజం!
నాకోసం నేను ఆనందించడం కంటే
ఒకరి సంతోషం కోసం పడే
బాధే తృప్తినిస్తుంది నాకు...!!

~భార్గవి
17/01/14