మధుర భావనలు

నిజం నిక్కచ్చిగా చెప్తే మింగుడు పడదు
మరి కఠిక విషం లాగానే తోస్తుంది.
"తినగ తినగ వేము తియ్యనుండు" అన్నట్లు
నిజం చెబుతున్న కొద్దీ...
విషానికి భానిసలైపోక మానరు!
ఇకనైనా ముసుగులు తీయండి!
అందమైన అబద్ధాలు గిలిగింతలు పెడుతుంటే
కలుగులో ఎలకల్లా లోపల్లోపలే గంతులేయకండి.
మనుషుల్నెరుగని మనుషులెవరూ లేరిక్కడ!
పుర్రకో బుద్ది!
జిహ్వకో రుచి!
అంతేనా... లోకం పోకడ?!
చిత్త చాపల్యం లేనిదే బుద్ది వికసించదట!
మీకేమైనా తెలుసా??