మధుర భావనలు

ఒంటరినై ఈ ఏకాంతంలో ...
విందుకు పిలిచిన సంగతులతో
వింత చర్చలను విహంగాలతో
వేల కాగితపు మణులు, నిధులతో
నేనిచ్చటనే  నాకోసం చూసి
వెతికిన గుండెకు వేదన మిగిల్చి
వెలగని దీపపు వెర్రి ఆశనై
వెలివేయకనే తోచని దారుల
చేరిన గమ్యం చెరిపివేసుకుని
 సాగని బాటల ముళ్ళు పెట్టుకుని
నవ్వుల పువ్వులనదిమి చిదుముకుని
సాగనివ్వని స్వాగతాలతో
సంధె మళ్ళిన నిట్టూర్పులతో
నాతో రానను అడిఆశలను
గొంతు నులిమి నేనిటు లాక్కుంటూ
పరిగెడుతున్నా పంజరంలోనే
పయనమే లేని గమ్యం కోసం!
తెలియగరాని తొలివేకువకై...!!