ఓ జాబిలీ...!
నిన్నటి నిజాలు మరచి
రేపటి కలలకై వేచివున్న
నాకోసం వస్తావని...
సంధ్య మబ్బుల దారిచేసి,
చల్లని వెన్నెల కప్పి,
నీ ఒడిలో నిదుర పుచ్చుతావని
ఎదురు చూస్తూ...
నీ నింగిని!!
వరద గూడు ఊయల కట్టి
నీకు జోల పాడాలని....
పాలవెల్లులు జారిపడి
నీ వెన్నెల్లో మునిగి
పారిజాతాలవ్వాలని....
పౌర్ణమి నాటికి
నాజల్లో అలంకరిస్తావని....
నా నుదుటున
తిలకమై మెరుస్తావని....
నాకోసం వస్తావని...
ఎదురుచూసే...
నీ నింగిని !!
No comments:
Post a Comment