గతమంతా తోలుబొమ్మలాడిన ఒక తెర!
వర్తమానం కన్నులగప్పిన ఒక పొర !!

అక్షరాలు కళ్ళలో ముద్రిస్తూ...
కన్నీరొదిలేస్తావేం....?! అందులో నే జారిపోతా...!

గుండెలపై తొక్కుతూ 
ఎదిగావు కన్నా! గూటిలో చోటులేదంటావా!?
08/08/13, 12:50

వి"నాయకా"...!! అండ అనుకుంటే 

నెత్తురు పీల్చే నల్లిలా ఉందే నీ తొండం!!

07/08/13

నీ చూపు సోకడానికైనా... 

కాగితంపై అక్షరాన్నవుతా!!

07/08/13

ఎన్ని పున్నములు వీక్షిస్తున్నా...
నా నిరీక్షణ నీకై కృష్ణపక్షంలో... !!

07/08/13

మనసు ఎంత చంచలమైనది...!
అనంతకోటి విశ్వం లో అడ్డూ, ఆపూ లేని
గాలినైనా బంధించగలం కానీ...
మనసు దారి మళ్లించటం
మౌనానికే సాధ్యమేమో...!!
-భార్గవి