భార్గవి/30/06/2016నీ మౌనంలోనే నిద్రిస్తోందా లోకమంతా...
అన్నివైపులా ఒంటరితనమే కురుస్తోందే...
గుండె సడి ఇంత భయంకరమైనదా...
ఓ నిమిషంపాటు నిశ్శబ్దం
నిర్ణయిస్తుందా కాలగతిని?!
రాలిపోయేదంతా రాత్రే కాదు
నా కన్నుల్లో నిను దూరం చేసే
ఈ ప్రయాణం కూడా...
ఈ క్షణాన నేనో మైనపుబొమ్మలా
స్తంభించిన ఆలోచనలతో
లోలోపలే కరిగిపోవడమే తెలుస్తోంది నాకు!
ఛిద్రమౌతున్న ప్రాణాన్ని జారిపోకుండా\
కరిగే కాలాన్ని లెక్కించుకునే
రాకాసి గుండెను మోస్తూ
పెరిగే దూరమంతా కొలుస్తున్న
నీ జ్ఞాపకాలను వదిలేస్తూ
నిన్ను వినలేని నిశ్శబ్దమంత దూరం నాప్రయాణం!!
No comments:
Post a Comment