Evaru veeru

ఎవరు వీరు?

22-12-2006

ఎవరు వీరు?

దేశమాత పెదవిపై మాసిన చిరునవ్వులు

మనసు రేయి పిడికిలిలో నలిగిన పువ్వులు

ఆకలి దేవత ఒడిలో కనుమూసిన దివ్వెలు

ఆర్తికోసమల్లాడే అనురాగపు సమిధలు

కల్మశమెరుగని బోసినవ్వుల పాలవెల్లులు వీరు

ఎవరంటారా వీరు?

ఎవరో కారు వీరు - ఎవరికీ కారు వీరు.

ఏడుపు తెలియని కంట కన్నీరు వీరు!

బాధ తెలియని గుండెకు భాద్యత వీరు!

బ్రహ్మ దేవుని కలం నుండి 

జాలువారిన సిరా చుక్కలు,

వాణీ నాదంలోన వినిపించిన అపస్వరాలు.

-భార్గవి కులకర్ణి