నేనున్నా!
03-10-2008
శిధిలమైన జ్ఞాపకాలు
చిగురిస్తున్నట్లున్నాయి
ఈ తీరికలో
తికమకలన్ని తీరాన్ని చేరుతున్నాయి
జరిగిపోయిన జీవిత కాలపు
జాతకమంతా గుర్తుకొస్తోంది
మదిని మురిపిస్తోంది
హృదిని మైమరపిస్తోంది.
దొరికింది ఓనిజం!
చెరిగిపోని నీ సంతకం
చెదిరిపోయిన నాకు సంకేతం!
ఊరడిల్లిన నీమదిలో నేనున్నానో లేనో?
ఉపిరికాలపు మౌనాన మాత్రం మిగిలిపోయాను.
కలల తీరపు వాకిట్లో నిల్చుని
కలలా అయినా కనిపించానో లేదో?
నీ మెదడులో మెదిలే ఆలోచనై క్షణ క్షణం పుడుతున్నాను.
ఉన్నపాటుగా నీ ఆశల మొగ్గలన్నీ
తుంచేసానో ఏమో!
వాడిన "సుమలత"ల రూపం ముద్రైపోయింది నాలో!
పిలుపైనా వినకుండా గొంతు నొక్కి పారేసావ్!
ఎడారిలో ఏకాకిలా నువు మిగిలున్నా...
చేయుతనిస్తూ కడలిలా కలలో అయినా నీవెంటుంటా!
-భార్గవి కులకర్ణి
